Балақай әкесін жедел жәрдемге шанамен сүйреп шықты

Арқалық мағындағы жауған қар тазаланбай, тұрғындарға тіпті медициналық көмек алу қиындап  отыр. Олимпийская елді мекеніне науқастың шақыртуымен келген жедел жәрдем діттеген жеріне жете алмаған.

Суретте сырқат әкесін  шанамен тас жолға дейін көмекке келген фельшердің жәрдемімен қаршадай бала сүйреп барады.

Ауырған әкесін жедел жәрдемге шанамен сүйреп шыққан балақайдың суретін белгілі журналист Гүлмира Әбіқай  Instagram парақшасында  жариялады.

— Мына көріністі көріп отырса әкім қардың астына кіріп кетпей, кабинетінде қалай отыр екен?, деп жазды  журналист парақшасында.

Иә, Нұр-Сұлтан мен Алматы әкімдері қала имиджін  көтеретін  жағымды ақпаратқа соншама миллиондаған қаржы бөліп жатқанда, көштен қалған тайлақтай  құлдыраңдап әкесіне жанұшыра көмектесіп бара жатқан мына балақайдың жағдайы Арқалық әкімінің беделіне қалай әсер етер екен?