Әкесі алты айлық ұлын құлатып алды: ер адам 10 жылға сотталды

Шығыс Қазақстан облысының тұрғыны алты айлық ұлын өлтіргені үшін 10 жылға сотталды. Сотталушы жазасын қатаң режимдегі колонияда өтейді.

Ер адамның айтуынша, қайғылы жағдай баланың жаялығын ауыстырмақ болған кезде орын алған, әйелі сыртқа шығып кетіп, үйде болмаған. Әкесі сол күні мас болған.

«Асханадан келе жатқанымда линолеумға шалынып қалдым, бала қолымнан құлап кетті. Кенет ол ыңылдап, артынша көгеріп кетті. Мен көршілердің үйіне барып, баланы қарауын сұрадым. Көршісі сәбиді алып, жедел жәрдем шақырған. Мен бәрі осыншалықты қауіпті деп ойламадым, мас болдым және не болып жатқанын есіме әзер түсірдім» деді ер адам.