Кентауда өрттен қашып, терезеден секірген бала мерт болды

Кентауда өртеніп жатқан пәтердің терезесінен сегіз жасар бала секіріп қайтыс болды. Оның әпкесі көміртегі тотығынан уланған, дәрігерлер оны аман алып қалды.

Өрт пәтерде балалар жалғыз қалған кезде тұтанған. Алдын ала болжам бойынша, өртке тоққа қосылған телефон себеп болған.

Бала алған жарақатынан есін жимай жансақтау бөлімінде көз жұмды. Дәрігерлер бір күн бойы оның әпкесінің жағдайын бақылап, кейін қызды үйіне жіберді.

Жергілікті әкімдік марқұм баланың отбасына уақытша баспана беріп, жөндеу жұмыстарына көмектесуге уәде берді. Жергілікті меценаттар да зардап шеккендерге қаржылай қолдау көрсетуге дайын.