Кеңес Одағы енді жоқ, болуы да мүмкін емес – Қажыгелдин

Қазақстанның бұрынғы премьер-министрі (1994-1997), 21 жыл бұрын елден кеткен Әкежан Қажыгелдин Bild жобасына сұхбат берді.

Әңгіме барысында ол Ресейдің КСРО-ны қалпына келтіруге деген ұмтылысы неге сәтсіз қадам болды деген сұраққа жауап берді.

Қажыгелдин бір кездері Путиннің өзі бұрынғы кеңестік республикалардың барлығын Кремльдің қарамағына қайтару мүмкін емес екенін мойындағанын бірақ қазір империялық ойлар Ресей билігі арасында қайта оянғанын атап өтті.

– Кеңес Одағы енді жоқ, бұдан былай болуы да мүмкін емес. Өйткені бұл жасанды бірлестік болды және ешқандай шабуылсыз құлады. Оны күшпен жинау мүмкін емес, – деді саясаткер.

Қажыгелдин Ресей Федерациясының басшылығы Ресейді қалпына келтіріп, федерализмге оралуы керек екенін айтты. Егер бұлай болмаса, Ресей Федерациясының кейбір аумақтары Мәскеуден тәуелсіздік алып, бөлінуге ниет білдіруі мүмкін.