Кенесары үшін кешірім сұраған қырғыз әншісіне сот үкімі шықты

Қырғыз әншісі Қайрат Примбердиевке сот үкімі шықты, деп хабарлайды Orda.kz.

Ол «нәсілдік, этникалық, ұлттық, діни және аймақаралық араздық қоздыру» бабымен кінәлі деп танылды.

«Бішкектің Первомай аудандық соты әнші Қайрат Примбердиевті нәсілдік, этникалық және ұлттық араздықты қоздырды деп танып, оған 100 мың сом (580 мың теңге) айыппұл салды»,  деп жариялады сот.

Қайрат Примбердиев Airan YouTube-арнасына берген сұхбатында Кенесары ханның басын алу оқиғасын қозғап, осы жағдай үшін қазақ халқынан өз атынан кешірім сұраған. Бұл сөздері үшін оған он жылға дейін бас бостандығынан айырылу қаупі төнген еді.