Кене маусымы: дезинфекциялық препарат сатып алуға 59 млн бөлінді

Жақында көптен күткен көктем аяқталғанымен кене шағу маусымы әлі бітпейді.

Бұл туралы Orda.kz хабарлады.

Orda.kz редакциясы кенемен күреске қандай күш салынғаны туралы санитарлық-эпидемиологиялық бақылау комитетінен сұрап, білді.

Жыл басынан бастап кенеге қарсы профилактикалық шаралар ретінде вирустық кене энцефалитімен сырқаттанудың алдын алу мақсатында медициналық ұйымдар мынадай іс-шараларды ұйымдастырды және жүргізеді:

• ауру жағдайларын және кене шаққаннан зардап шеккен барлық адамдарды тіркеу және есепке алу;
• ауруды диагностикалау;
• емдеуге жатқызу;
• науқастарды емдеу және ауырып сауыққан адамдарды бақылау;
• егуге жататын контингентті иммундау.

Кене энцефалитінің табиғи ошақтарында орналасқан аумақтарына Алматы, Шығыс Қазақстан, Ақмола, Солтүстік Қазақстан облыстары және Алматы қаласының төңірегі жатады.

Бұл қаражаттың жеке секторларға қатысы жоқ.

Жеке және заңды тұлғалар өз қаражаты есебінен мемлекеттік санитариялық-эпидемиологиялық нормалау құжаттарына сәйкес жүйелі негізде профилактикалық, сондай-ақ эпидемиологиялық көрсетілімдер бойынша дезинфекция, дезинсекция және дератизация жүргізуге міндетті.

Республикалық маңызы бар қалаларда профилактикалық жұмыстарды жергілікті атқарушы органдар жүргізеді.