Кемелбек Ойшыбаев «Хабар» басшысы болып тағайындалды

«Хабар» агенттігі» АҚ басқарма төрағасы болып Кемелбек Ойшыбаев тағайындалды.

Бұл туралы Мәдениет және ақпарат министрлігінің баспасөз қызметі хабарлады.

Ол президенттің баспасөз хатшысы болып тағайындалған Берік Уәлидің орнына келді.

Еске салайық, 2023 жылдың 6 қыркүйегінде Нұрмұхамед Байғараев президент Қасым-Жомарт Тоқаевтың баспасөз хатшысы болып тағайындалған болатын. Алайда ол жаңа қызметінде бір аптадан аз уақыт жұмыс істеді.

11 қыркүйекте Нұрмұхамед Байғараев денсаулығына байланысты қызметінен босатылғаны белгілі болды. Бұл қызметке Берік Уәли қайта тағайындалды.