Келіп көрсін! – Дужновтың әйелі үйден шығарылуы туралы

Бес адамды өлтірді деп айыпталған ақбұлақтық атқыш Игорь Дужновтың әйелі Анаид Демирчян отбасын үйден шығаруға одан әрі әрекет ету туралы ақпаратқа жауап берді.

Бұл туралы Orda.kz хабарлайды.

- Уақыт көрсетеді. Келіп көрсін! Мені қорқыта алмайды. Олар адамдарды қорқытады. Еш уақытта өздеріңізді бос ұстамаңыздар. Олай болса, сізден бәрін тартып алады. Оның барлығы банктен шыққан, – деп жауап берді Демирчян.

Сонымен қатар, ол қаза тапқандардың жерлеу қызметтерін ЦентрКредит банкі төледі деген ақпарат бар екенін айтты.

- Банк сатып алушысының немесе сот орындаушысының бұған қандай қатысы бар? – деп Демирчян сұрақ қояды.

29 қыркүйекте «7 арнада» ақбұлақтық атқышының үйі туралы сюжет шықты. Сот орындаушыларының айтуынша, «осы үйден адамдарды шығару туралы шешімді әлі ешкім жойған жоқ». Сондықтан бұл құжат әлі де орындалуда, – деп атап өтті олар. Аталған іс басқа сот орындаушысына берілді.

– Сот орындаушысы бәрін толықтай қайта қолға алды, процедура одан әрі жалғасатын болады. Яғни, сот шешімін орындау рәсімі одан әрі жүргізілетін болады. Бірақ бұл жерде біз құқықтық мирасқордың келуін күтеміз, яғни қайтыс болған адамның жақын туыстарына беріледі, – деді Алматының жеке сот орындаушылар палатасы басшысының орынбасары Руслан Исаев.

Сондай-ақ, тұтқындалған Игорь Дужновтың отбасы әлі де осы үйде тұрып жатыр. Хабарламада айтылғандай, қыстың жақындағанына байланысты үйден шығару уақыты кейінге қалдырылған. Адамдарды жылдың суық мезгілінде үйден шығару заңға қайшы.

Естеріңізге сала кетейік, 20 қыркүйекте Игорь Дужновты үйден шығару кезінде ол сот орындаушысын, екі учаскелік полиция қызметкерін, үйдің жаңа иесі мен оның досын атып өлтірген. Осыдан он жыл бұрын Игорь Дужнов пен оның жұбайы Анаид Демирчян банктен жылжымайтын мүлік кепілімен несие алған. Қарыз уақытында қайтарылмады және үй аукционнан жаңа иесі Нұрахмет Тұрғановқа сатылды. Игорь Дужнов 20 жылға дейін бас бостандығынан айрылуы мүмкін.