Келесі аптада Алматы мен екі облыста 3-3,5 балға дейін жер сілкінісі болуы мүмкін

2023 жылдың 10 наурызында Сейсмология институтында өткен брифингте сейсмикалық болжау комиссиясының кезектен тыс отырысының қорытындысы таныстырылды, деп хабарлады ҚР ТЖМ Сейсмология институтының баспасөз қызметі.

Болжам комиссиясының қорытындысы бойынша алдағы аптада Алматы қаласы, Алматы облысы және Жетісу облысында сезілу қабілеті 3-3,5 балға дейін аздаған жер асты дүмпулері болуы мүмкін.

Қазіргі уақытта Алматы болжамдық қамту аумағында (Алматы, Алматы облысы және Жетісу облысы) 47 станса жұмыс істейді.

Сейсмология институты Қазақстан Республикасындағы сейсмикалық қауіпсіздікті қамтамасыз ету мәселелері бойынша іргелі және қолданбалы зерттеулер саласындағы жетекші ұйым ретінде белгілі.

Институт базасында тұрақты болжау комиссиясы жұмыс істейді, оның құрамына төрт ғылыми зертхана қызметкерлері мен Сейсмологиялық тәжірибе-әдістемелік экспедициясы (СЭТМ) қызметкерлері кіреді.

Брифинг қорытындысы бойынша Сейсмология институтының директоры Дәулет Сәрсенбаев биылғы жылы Алматы болжамды диапазон аумағында күшті және жойқын жер сілкінісі болмайтынын айтты.

Сейсмологиялық, геофизикалық, гидрогеодинамикалық, геохимиялық және басқа да деректер (200 параметрге дейін) тұрақты бақылауға алынады, біріктірілген бақылау стансалар желісінен күнделікті қабылданады.