Кеденге кедергі болған жемқорлық

Кеден бекеті бастығының орынбасары пара алғаны үшін сотталды.
 

Бұл туралы Астана қаласының қылмыстық істер жөніндегі ауданаралық соты хабарлады.
 
Кеден бекеті бастығының орынбасары бола тұра,  Д - есімді азаматтан «Ыстамбұл-Астана» әуе қатынасы арқылы кедендік шекарадан декларацияланбаған алтын бұйымдар мен медициналық дәрі-дәрмектерді заңсыз алып өтуі үшін 1 060 000 теңге көлемінде пара алған.
 
Сотталушылар кінәларын мойындады. Сот үкімімен кеден орынбасары мен пара беруші Д - есімді азамат өмір бойына мемлекеттік қызмет атқару құқығынан айырылды. Сонымен қатар пара алушы 60 еселенген мөлшерде 63 600 000 теңге, ал пара берушіге 28 196 000 теңге мөлшерінде айыппұл салынды.