Кеңес Рақышев пен Тасмағамбетова «Қазақстан халқына» қорына 1 млрд теңге аударады

«Сәби» қайырымдылық қорының негізін қалаушылары Кеңес Рақышев пен оның жұбайы Әсел Тасмағамбетова (Иманғали Тасмағамбетовтың үлкен қызы) «Қазақстан халқына» қорына 1 миллиард теңге аударады.

Қор таратқан баспасөз хабарламасында Рақышев пен Тасмағамбетова елдегі қайғылы оқиғаларға, Төтенше жағдай режимінің жариялануына, нәтижесінде бейбіт тұрғындар зардап шеккен жаппай тәртіпсіздіктерге, сондай-ақ бизнес өкілдеріне елеулі залал келтірілгеніне байланысты Қазақстан халқы мен ел үшін осы қиын уақытта көмек көрсету қажеттігі туралы шешім қабылданғанын мәлімдейді.

«Біз ҚР президенті Қасым-Жомарт Кемелұлы Тоқаевтың осы қиын-қыстау күндерде Қазақстан халқын қолдау туралы бастамасын қолдадық. Бұл жағдайда КЕҰ мен бизнестің әлеуметтік жауапкершілігі — бұл Қазақстан халқының әл-ауқаты, өз елінің болашағы үшін тікелей жауапкершілік» деп мәлімдеді Кеңес Рақышев.

«Сәби» қоры туралы

«Сәби» қоры 2002 жылы құрылды. Оның негізгі қызметі – балалардың денсаулығы және олардың физикалық дамуы. Сонымен қатар, руханият және білімге қол жетімділік. Өз белсенділігін қоғамның ең қорғалмаған топтарына бағыттай отырып, «Сәби» қоры жетім балалар мен ата-анасының қамқорлығынсыз қалған балаларға, әлеуметтік қорғалмаған отбасылардан шыққан дарынды балаларға, мүмкіндігі шектеулі балаларға көмек, сондай-ақ, мүмкіндігі шектеулі адамдарға ауқымын кеңейтуге көмек көрсетумен айналысады.