«Кеңес Одағы» болғанда көптеген қақтығыстардың алдын алуға болатын еді – Лукашенко

Беларусь президенті Александр Лукашенко «Кеңес Одағы аман тұрғанда, әлемде көптеген қақтығыстардың алдын алуға болатын еді» деген пікір айтты.

Лукашенконың айтуынша, Кеңес одағы кезінде «Америка Кеңес Одағының ұстанымымен санасуға мәжбүр болған».

– Егер Кеңес Одағы осы күнге дейін сақталып қалған болса, біз әлемдегі кез келген қақтығыстардың алдын алар едік. Барлығын. Батыс пен Америка әрқашан Кеңес Одағының ұстанымымен санасуға мәжбүр болды. Иә, әр түрлі мәселелердің болуына қарамастан, біз Жапониямен жақсы, достық қарым-қатынаста болдық. Әлем көп полюсті болды, бір полюс екіншісін теңестірді. Қазір әлемде болып жатқан оқиғалардың себебі – бірполярлық, - деді ол жапондық TBS телекомпаниясына берген сұхбатында.