ҚазҰУ университетінде жас жігіт қайтыс болды

Алматыдағы әл-Фараби атындағы Қазақ Ұлттық университетінде жас жігіт қайтыс болды.

Бұл туралы Orda.kz хабарлады.

Субұрқаққа түскен жігіт қимылсыз қалған еді. Шақырылған медицина қызметкерлері оның қаза болғанын анықтады.

«Қаза болған азамат университет студенті емес. Көз жұмуына жүрегінің тоқтап қалуы себеп болды. Қазір оқиға болған орында тергеу жұмыстары жүргізіліп жатыр», — деді ЖОО баспасөз қызметі.

Полиция болған оқиғаны анықтауға кірісіп кетті.

«Бұл факті бойынша тергеу басталды. Медициналық сараптама тағайындалды», —  деп хабарлады Алматы полиция департаменті.