ҚАЗТЕСТ-тің жаңа ережелері бекітілді

Ұлттық тестілеу орталығы ҚАЗТЕСТ тестілеуін өткізудің жаңа ережелерін бекітті, деп хабарлайды ҚР Ғылым және жоғары білім министрлігінің баспасөз қызметі.

«Қазақстан Республикасы Білім және ғылым министрлігінің Ұлттық тестілеу орталығы қазақ тілін меңгеру деңгейін бағалау үдерісінің тиімділігі мен ашықтығын арттыруға бағытталған ҚАЗТЕСТ тестілеуін өткізудің жаңа ережелерінің бекітілгенін хабарлайды», делінген хабарламада.

Енді ҚАЗТЕСТ-ті қағаз түрінде де, электронды форматта да алуға болады. Тестілеуге: «тыңдау» (20 тапсырма), «оқу» (40 тапсырма), сондай-ақ аттестаттау тесті үшін «жазу» (2 тапсырма) және «сөйлеу» (2 тапсырма) блоктары кіреді. Тестілеудің ұзақтығы диагностикалық формат үшін 1 сағат 10 минут және сертификаттау форматы үшін 2 сағат 7 минут беріледі.

Сынақтан сәтті өту үшін блокқа байланысты 30%-дан 80%-ға дейін өзгеретін ең төменгі өту баллына қол жеткізу керек. «Жазу» және «сөйлеу» бойынша шекті балл – 50 балл.

Тіркелу процесі де жеңілдеді: жеке тұлғалар ұлттық тестілеу сайты арқылы тестілеуге жазыла алады, ал заңды тұлғалар ҰТО кеңсесіне ресми хат жолдайды.

Тестілеу нәтижелері Астана қаласы бойынша үш күн ішінде, басқа өңірлер үшін 15 күн ішінде тест тапсырушының жеке кабинетінде қолжетімді болады.