«Қазтеміртранс» филиалы директорының 540 млн теңге парамен ұсталғаны расталды

«Қазтеміртранс» АҚ Алматы филиалының директоры Ақылбек Базеновтің ұсталғаны туралы ақпарат расталды. Компанияның баспасөз қызметі қазіргі уақытта бұл іске байланысты құзырлы құқық қорғау органдары тергеу жұмыстарын жүргізіп жатқаны мәлімдеді, деп хабарлайды  Orda.kz.      

Алайда компания өкілдері бұқаралық ақпарат құралдарында тараған «ірі көлемде пара алды» деген мәліметке күмән келтіріп отыр. Алдын ала ақпарат бойынша, Базенов күзет қызметін көрсететін жеке компаниядан 540 миллион теңге көлемінде пара алды деген күдікке ілінген.

Сонымен қатар «Қазтеміртранс» бұл қаражат шындыққа жанаспайтынын мәлімдеді.

«Бұл көрсеткіш ақпарат құралдарында айтылған пара көлемінен бірнеше есе аз», деп түсіндірді компания өкілдері өздерінің әлеуметтік желідегі парақшасында.

Компания дерегінше, күзет қызметіне бөлінетін жалпы бюджет шамамен 200 миллион теңгені құрайды, ал Алматы филиалындағы өндірістік базаларды күзетуге биыл 9 миллион теңгеден астам қаражат ғана бөлінген.

Оқи отырыңыз:

• Иран «ұзаққа созылатын соғысқа» толық дайын екенін мәлімдеді
• Ұлттық банк базалық мөлшерлемені өзгеріссіз қалдырды