«Қазселденқорғаудың» бұрынғы басшысы бірнеше рет пара алу ісі бойынша ақталды
Қазылар алқасы бірнеше рет пара алды деп айыпталған «Қазселденқорғау» мемлекеттік мекемесінің бұрынғы басшысы Кәрім Көкірекбаевты ақтады. Оның бұрынғы орынбасары 11 жылға бас бостандығынан айырылды, деп хабарлайды Оrda.kz Алматы облыстық сотының баспасөз қызметіне сілтеме жасап.
Сот материалдарына үңілсек, 2019 жылы 4 наурызда «Ашық конкурс» тәсілімен өткізілген конкурстың нәтижелері бойынша «Bazis Construction» жауапкершілігі шектеулі серіктестігі жеңіске жетіп, құрылыс-монтаждау жұмыстары нысанының 060-103-431 ерекшелігі бойынша жалпы сомасы 30 339 481 680,48 (отыз миллиард үш жүз отыз тоғыз миллион төрт жүз сексен бір мың алты жүз сексен теңге қырық сегіз тиын) теңге болатын жұмыс бойынша №32 мемлекеттік сатып алу шартын жасайды.
2022 жылы 26 қазанда аталған №32 шартқа, тапсырыс беруші атынан №15 қосымша келісім жасалып, шарттың жалпы сомасы 39 212 050 197,80 (отыз тоғыз миллиард екі жүз он екі миллион елу мың бір жүз тоқсан жеті теңге сексен тиын) теңгеге өзгертіледі.
2022 жылдың соңына дейін іс жүзінде 2023 жылға көзделген бюджет қаражатын игеру мақсатында 2022 жылы 6 желтоқсанда №16 қосымша келісім жасалады. Келісім бойынша №32 Шарттың 1 және 2-тармақтары мынадай редакцияда өзгертіледі: «Қазынашылық аумақ органында Шарт 2022 жылға - 18 713 759 224,63 (он сегіз миллиард жеті жүз он үш миллион жеті жүз елу тоғыз мың екі жүз жиырма төрт теңге алпыс үш тиын) теңге - 060 бюджеттік бағдарламаның 103 кіші бағдарламасы бойынша 431 «Жаңа нысандар салу және қолда бар нысандарды реконструкциялау» ерекшелігі бойынша тіркелуге жатады, осылайша 5 276 829 160,63 теңге көлеміндегі игеру сомасы 2023 жылдан 2022 жылға қайта бөлінеді.
2022 жылдың кезеңінде мемлекеттік мекеме атынан Тапсырыс берушінің өкілі А.Б. Ахатаев болған, ол тікелей К. Көкірекбаевқа бағынған. Ал мердігер атынан «Bazis Construction Infr» ЖШС филиалының директоры А.В.Поплавский болған, ол орындалған жұмыс актілеріне қол қою және мердігер ұйымның шоттарына қаражат аудару рәсімін толық көлемде бақылаған.
Мемлекеттік қызметші А.Б.Ахатаев «Bazis Construction Infr» ЖШС филиалының директоры А.В. Поплавскиймен құрылыс нысаны бойынша игерілген бюджет қаражатының жалпы сомасының 5%-ын ақша түрінде пара алу және беру туралы келісімге келген. 5% пара екі бөлікке бөлініп, яғни 3%-ы басшы ретінде К. Көкірекбаевқа және 2%-ы оның орынбасары ретінде А. Ахатаевқа тиесілі болған.
Жалпы 5 276 829 160,63 теңгенің 5% - ы 800 321 АҚШ доллары болған («461,97» бағамы бойынша 293 175 863,37 теңгеге тең). 2022 жылы 26 желтоқсанда А.Б. Ахатаевтың Алматы қаласы, Медеу ауданы, Омаров көшесі №25/1 үйінде сағат 14-00-де А.В. Поплавский оған 397 621 АҚШ долларын берген («461,97» курсы бойынша баламалы 183 688 973,37 теңге) оның ішінде К.Н.Көкірекбаевтың үлесі 237 000 АҚШ доллары («461,97» бағамы бойынша 109 486 890 теңгеге тең) А.Б. Ахатаевтың пәтерінен алынған.
Сот үкімі:
- Көкірекбаев өзіне тағылған айыптар бойынша ақталды;
- Оның бұрынғы орынбасары Ахатаевқа ҚК-нің 366-бабы 4-бөлігімен кінәлі деп танылып, оған сәйкес мемлекеттік қызметте лауазымдарды атқару құқығынан өмір бойына айыра отырып, 11 жылға бас бостандығынан айыру жазасы тағайындалды;
- Поплавский ҚК-нің 367-бабы 4-бөлігімен кінәлі деп танылып, оған мемлекеттік қызметте лауазымдарды атқару құқығынан өмір бойына айыра отырып, 11 жылға бас бостандығынан айыру жазасы тағайындалды.
Сот үкім жарияланған күннен бастап - 15 күн ішінде аудандық сот арқылы Алматы облыстық сотына шағым және наразылық келтіруге болатынын түсіндірді.
«Прокуратура Қ.Н.Көкірекбаевқа қатысты үкімге шағымданады» деп хабарлады Бас прокуратураның баспасөз қызметі.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды