«Қазселденқорғаудың» бұрынғы басшысы ақталды

Бас прокуратура «Қазселденқорғау» ММ-нің бұрынғы басшысына қатысты үкімге шағым түсірмек.

Алматы облысының қылмыстық істер жөніндегі мамандандырылған ауданаралық соты алқабилердің қатысуымен Қазақстан Республикасы Төтенше жағдайлар министрлігі «Қазселденқорғау» мемлекеттік мекемесінің бұрынғы басшысы К.Н.Көкірекбаевқа қатысты ақтау үкімін шығарды.

Оған бір топ адамдардан аса ірі көлемде бірнеше рет пара алды деген айып тағылды.

Бас прокуратура сот үкімінің күшін жою туралы апелляциялық шағым түсірілетінін хабарлады.