KazSat-3 спутнигінің істен шығуына байланысты телеарналар тоқтады

16 қыркүйек 2023 09:00 Ләззат Сұңқар

ҚР Цифрлық даму, инновациялар және аэроғарыш өнеркәсібі министрлігі телеарналардың тоқтап қалуына себеп болған жағдайлар туралы айтты.

Байланыс құрылғысы аккумуляторларының қуаты таусылғандықтан телеарналардың хабар таратуы тоқтап қалғаны белгілі болды.

«Бүгін, 2023 жылдың 15 қыркүйегінде Ай мен Жердің көлеңкелі аймақтарының ұзақ өту кезеңінде KazSat-3 байланыс ғарыш аппаратының аккумуляторлық блоктары қуатсызданды, соның нәтижесінде спутниктік телевидение және радиохабар тарату және спутниктік деректерді беру уақытша тоқтатылды» деп хабарлады Цифрлық даму министрлігі.

Қазіргі уақытта ұлттық оператор «Республикалық ғарыштық байланыс орталығы» АҚ ғарыш аппаратын жасаушы «Академик М.Ф.Решетнев атындағы ХҒС» АҚ-мен бірлесіп, аталған қызметтерді қалпына келтіру жұмыстарын жүргізуде.

Аталған жағдай «Qazaqstan», «Qazsport», «Balapan», «Abai tv» және Qazaqstan телеарналарының жұмысына әсер етті.

kazsat-3 спутник

Жаңалықтар

барлық жаңалықтар