«ҚазМұнайГаз»: West Oil Жетібайдағы ереуілдетіп тұрған жұмысшылармен келісім-шартты үзуге дайын
Маңғыстау облысы Жетібайда West Oil Software желтоқсаннан бері ереуілдетп тұрған жұмысшыларымен "келісім-шартты үзуге дайын" деп хабарлайды Orda.kz порталы «ҚазМұнайГаз» ұлттық компаниясына сілтеме жасап.
11 желтоқсаннан бері Жетібай кентінде West Oil Software компаниясының жұмысшылары ереуілдетіп тұр.
Олар компанияны "ҚазМұнайГаз" құрылымына қосуды, ЕСОТ жүйесіне сәйкес жалақыны теңестіруді, техниканы жаңартуды талап етеді. Бұған дейін «ҚазМұнайГаз» техниканы жаңарту туралы талаптан басқаларын орындай алмайтынын мәлімдеген болатын. Ал West oil жұмысшылары шарасы таусылғандықтан Астанаға өкілдерін жібергенін, сонда да мәжіліс депутаттарымен жолыға алмағанын айтқан.
«ҚазМұнайГаз» ереуілге шыққан 200 жұмысшының 80-і жұмыс орнына оралғанын, ал қалғаны әкімдік пен "ҚазМұнайГаздың" келіссөзге шақыруына назар аудармай отырғанын мәлімдеді.
Ұлттық компания West Oil Software ереуілдің салдарынан 1 млрд теңге шығынға ұшырағанын айтады. «ҚазМұнайГаз» жұмыс беруші еңбекақы және әлеуметтік төлем бойынша барлық міндетін орындап отырғанын, 2023 жылы West Oil Software жұмысшыларының ең төменгі жалақысы 380 мың теңге екенін, ал жоғары жалақысы 890 мың теңге болғанын алға тартады.
Жұмысшылар бұған дейін де өздеріне қысым жасалып жатқанына шағымданған. Ал Қарақия аудандық соты ереуілді «заңсыз» деп тапқан. Жұмысшылар сот шешіміне келіспей апелляциялық шағым түсірген, бірақ Маңғыстау облысының соты да ереуілді "заңсыз" деп шешкен.
West Oil Software компаниясы 12 қаңтарда кәсіпорын «шығынға батқанын» алға тартып, «жұмысқа оралмаған ереуілшілерді 12 қаңтардан бастап» жұмыстан шығаратынын ескерткен еді.
Жаңалықтар
- Журналист Жәмила Маричеваның адвокаты тағылған айыпты алып тастауды талап етті
- Астанадағы жедел жәрдем стансасының парамен ұсталған басшы түрмеге жіберілмеді
- БҚО-дағы журналистке «цензурасыз» және су тасқыны аймағында жұмыс істеуге тыйым салумен келіспегені үшін айыппұл салынды
- Астанада автобустардың жолақысы қымбаттайды
- Өзбекстан мен Қырғызстан азаматтарын Ресейге кіргізбейді
- «Қуандық Бишімбаев бұл сот процесінен ләззат алады», - адвокат Вранчев
- Қазақстандық бизнесмендер Тоқаевқа тарифтердің көтерілуіне шағымданды
- Қырғызстанда балмұздақ тиеген жүк көлігі 29 баланы қағып кетті
- Бишімбаев пен Байжанов Путиннің келуіне байланысты Салтанаттың денесін жасырын шығара алмады - адвокат
- Шығыс Қазақстан облысында толассыз жауған жаңбыр салдарынан үйлер суға батып жатыр
- 43 мыңнан астам адам үйіне оралды
- Солтүстік Қазақстан облысына 3 мыңға жуық отбасы жәрдемақы алды
- Netflix Қазақстанда реалити-шоуды түсірмекші
- Алматылықтарды Украинадағы соғысқа шақырды: Ұлттық қауіпсіздік комитеті тергеу жүргізіп жатыр
- 2024 жылы Қазақстанда электр энергиясының тарифі өсе ме?
- Қаржы министрлігі шығындарды 300 миллиард теңгеден астам қысқарту туралы шешім қабылдады
- Netflix Қазақстанда реалити-шоу түсіреді
- Қазақстандықтар StarLink интернетіне заңды түрде қол жеткізе алады
- Бишімбаев сотқа жеткізілмеді: ішкі істер министрлігі себебін айтты
- Сәуірде Ұлттық қордан миллиард доллардан астам қаржы сатылды