«ҚазМұнайГаз» компаниясының басы дауға қалды»: 539,4 млн теңгелік айыппұл

«ҚазМұнайГаз» ұлттық компаниясы» АҚ мұнай өнімдерін сату саласында монополияға қарсы заңнаманы бұзғаны үшін 539,4 млн теңге айыппұл төледі. Бұл шешім Астана қаласы бойынша бәсекелестікті қорғау және дамыту агенттігі басқармасы мен прокуратура органдарының бірлескен тексеруі нәтижесінде қабылданды.

Бұл туралы бәсекелестікті қорғау және дамыту агенттігі хабарлады.

Астана қаласының әкімшілік құқық бұзушылықтар жөніндегі мамандандырылған ауданаралық сотының 2024 жылғы 27 маусымдағы қаулысымен «ҚазМұнайГаз» компаниясына 539,4 млн теңге көлемінде айыппұл салынды. Қазіргі уақытта айыппұл толық көлемде төленді.