«Қазкоммерцбанкке» қатысты іс: жер учаскесі мен 44,5 млрд теңгенің көлігі тәркіленді

Ол мүлік Алматы әкімдігінің балансы арқылы мемлекет меншігін берілген, деп хабарлайды Orda.kz порталы.

Қаржы мониторингі агенттігі қылмыстық іс шеңберінде Қазкоммерцбанктен қаржы жеу фактісіне қатысты қаржылық тергеу жүргізіліп, сотқа дейінгі тәркілеу басталғанын хабарлады.

Сот санкциясы бойынша ауданы 300 гектарға жуық жер мен жалпы сомасы 44,5 млрд теңгеге автокөлік құралы тәркіленді.

«Келтірілген залалды өтеу мақсатында іздестіріліп жатқан адамдардың қылмыстық жолмен өндіріп алған мүлкін сотқа дейінгі тәркілеу көзделеді. Сот шешімімен мүлік Алматы әкімдігі балансы арқылы мемлекет меншігіне берілді. Тәркіленуге жататын өзге де мүлікті іздестіру жалғасып жатыр» деп хабарлады ведомство.