«Казиноға барады, 2 қабатты үйі бар»: қайыршылардың шынайы бет-бейнесі ашылды
Фото: freepik.com
Қайыршылықты кәсіпке айналдырған адамдар өз өмірінен сыр шертті, деп хабарлайды Orda.kz.
Airan YouTube арнасында қайыршылықты кәсіп қылғандар сұхбат берді. Олардың айтуынша, бұл лас жолға көбі ішімдік кесірінен түседі екен.
«Мен жалғыз қасқырмын. Жалғыз жүремін. Әйелім 10 жыл бұрын өмірден өтті. Соны көтере алмай қалдым. Кішкентай стақанның ішіне түсіп, қайта шыға алмай қалдым ғой. Қарным тоқ. Адамдар береді. Мынау ішімдігіңе, мынау тамағыңа деп беріп кететіндер де жетеді. Мұсылмандар бар ғой. Қалың киіміне дейін беріп кетеді», - дейді Тәуекел есімді азамат.
Қайыршылардың арасында өзбекстандық азаматтар да табылды. Бірақ олар қайыршылықтан бөлек бөтелке жиып күн көреді екен.
«Малшы болып істедім. Ақшамды бермей, қуып шықты. Талғардан Алматыға келдім. Бос бөтелкелерді сатып күн көремін. Қолымнан келмейтіні жоқ қой негізі. Бәрін істей беремін. Түнде көпқабатты үйдің бірінің ең жоғарысына барып жатамын. Жұрт көріп қоймасын деймін. Бір күні базарда туысқанымды көріп қалдым. Танымаған сияқты амандасты да өтіп кетті. Жағдайымды да сұрамады. Ал қазақтардың бәрі жақсы. Не сұрасаң береді. Пейілі кең», - дейді өзбекстандық азамат.
Алматыдағы вокзал маңында бір топ қайыршы жеке дара күн кешіп келеді. Олар бөтенді қатарға қоспайтындарын, реті келсе қуып жіберетіндерін айтты.
«Мен 11 жасымнан бері осы жолдамын. Шыға алмаймын. Көп уақыт жұмыс та істей алмаймын. Осы жерге келіп қала беремін. Бұл жерде көп адам өліп кетті ғой. Бірі суықтан, бірі арақтан. Қаншама адамды көрдік қой. Әркімнің әртүрлі тағдыры бар. Біз «бер, бермен» жүреміз. Күніне 15 мың табамын. Біреудің 50 теңге, 100 теңгесінен сол ақша құралады. Елге ризамын. Береді. Тамаққа дейін алып келеді», - дейді лақап аты Малыш атты азамат.
Қайыршылықты күнкөріс көзіне айналдырғандардың өзі «бокзалдық», «саяхаттық», «сайрандық» деп бөлінеді екен. Тіпті араларында үйі бар, жағдайын жасап алған азаматтар да бар көрінеді.
«Түнде Қапшағайға барып казино ойнап келетіндер бар. 2 қабат үйі барлар да осы жерде жүр. Түнде 50 шақты адам жатамыз. Бәрі түнде жиылады», - дейді олар.
Қайрышылықпен айналысқандар осы өмірді таңдайтындардың қарасы көбейіп жатқанына алаңдаулы. Тіпті адасқан адамдарды бұл азаматтар ақылын айтып, түзу жолға салуға тырысатындарын жасырмады.
Жаңалықтар
- Ливан өлім жазасын жойған алғашқы араб елі болды
- Нұрай Серікбайдың өлімі: Прокурор күдіктіге өмір бойына бас бостандығынан айыру жазасын сұрады
- Иранның қастандық жасау қаупіне байланысты Трамп ұшағын ауыстыруға мәжбүр болды
- Бір серіктестіктің алты бірдей жұмысшысы құдыққа түсіп қаза тапқан: Полиция үш адамды ұстады
- Бала ауыр халде: Футбол алаңында төтенше жағдай болды
- Сирияның бұрынғы президенті Башар Асад сырттай өлім жазасына кесілді
- Алматыда күйеуін өлтірген әйел сотта ақталды
- Прокуратура талабымен: Атырау облысында полицейлерді соққыға жығып, бостандықта жүргендер сотталды
- Аичи-Нагоя-2026: Азия ойындарының медальдары таныстырылды
- Қытайлық ғарыш миссиясы сәтсіз аяқталды: Зымыран тасығыш 90 секундта жарылып кетті
- Медициналық сақтандыру қорынан 3,5 млрд теңгеден астам қаржы ұрланған
- Ақсайда түнгі клубта жаға жыртысқандар жазаланды
- «Крыша боламын» деп 30 млн теңге талап еткен ММА жаттықтырушысы ұсталды
- Парсы шығанағында тұрып қалған кемелер әлемді экологиялық апатқа ұшырата ма?
- Бесағашта мас ер адам көшеде қыздарға бейәдеп ұсыныс жасаған
- Астанада полиция қызметкері кәмпитке қақалған баланың өмірін құтқарды
- Елден жаппай ақша алып қашып жатқандар кім? ҰҚК мәлімдеме жасады
- Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды
- Өз тойына келе алмаған жұптың тойы экран арқылы өтті
- Үйлену тойында пышақтап өлтірген: Ақтөбе облысындағы сұмдық жайт
