«Казиноға барады, 2 қабатты үйі бар»: қайыршылардың шынайы бет-бейнесі ашылды
Фото: freepik.com
Қайыршылықты кәсіпке айналдырған адамдар өз өмірінен сыр шертті, деп хабарлайды Orda.kz.
Airan YouTube арнасында қайыршылықты кәсіп қылғандар сұхбат берді. Олардың айтуынша, бұл лас жолға көбі ішімдік кесірінен түседі екен.
«Мен жалғыз қасқырмын. Жалғыз жүремін. Әйелім 10 жыл бұрын өмірден өтті. Соны көтере алмай қалдым. Кішкентай стақанның ішіне түсіп, қайта шыға алмай қалдым ғой. Қарным тоқ. Адамдар береді. Мынау ішімдігіңе, мынау тамағыңа деп беріп кететіндер де жетеді. Мұсылмандар бар ғой. Қалың киіміне дейін беріп кетеді», - дейді Тәуекел есімді азамат.
Қайыршылардың арасында өзбекстандық азаматтар да табылды. Бірақ олар қайыршылықтан бөлек бөтелке жиып күн көреді екен.
«Малшы болып істедім. Ақшамды бермей, қуып шықты. Талғардан Алматыға келдім. Бос бөтелкелерді сатып күн көремін. Қолымнан келмейтіні жоқ қой негізі. Бәрін істей беремін. Түнде көпқабатты үйдің бірінің ең жоғарысына барып жатамын. Жұрт көріп қоймасын деймін. Бір күні базарда туысқанымды көріп қалдым. Танымаған сияқты амандасты да өтіп кетті. Жағдайымды да сұрамады. Ал қазақтардың бәрі жақсы. Не сұрасаң береді. Пейілі кең», - дейді өзбекстандық азамат.
Алматыдағы вокзал маңында бір топ қайыршы жеке дара күн кешіп келеді. Олар бөтенді қатарға қоспайтындарын, реті келсе қуып жіберетіндерін айтты.
«Мен 11 жасымнан бері осы жолдамын. Шыға алмаймын. Көп уақыт жұмыс та істей алмаймын. Осы жерге келіп қала беремін. Бұл жерде көп адам өліп кетті ғой. Бірі суықтан, бірі арақтан. Қаншама адамды көрдік қой. Әркімнің әртүрлі тағдыры бар. Біз «бер, бермен» жүреміз. Күніне 15 мың табамын. Біреудің 50 теңге, 100 теңгесінен сол ақша құралады. Елге ризамын. Береді. Тамаққа дейін алып келеді», - дейді лақап аты Малыш атты азамат.
Қайыршылықты күнкөріс көзіне айналдырғандардың өзі «бокзалдық», «саяхаттық», «сайрандық» деп бөлінеді екен. Тіпті араларында үйі бар, жағдайын жасап алған азаматтар да бар көрінеді.
«Түнде Қапшағайға барып казино ойнап келетіндер бар. 2 қабат үйі барлар да осы жерде жүр. Түнде 50 шақты адам жатамыз. Бәрі түнде жиылады», - дейді олар.
Қайрышылықпен айналысқандар осы өмірді таңдайтындардың қарасы көбейіп жатқанына алаңдаулы. Тіпті адасқан адамдарды бұл азаматтар ақылын айтып, түзу жолға салуға тырысатындарын жасырмады.
Жаңалықтар
- Израиль президенті Ицхак Герцог Қазақстанға ресми сапармен келді
- Сотталған блогер Жанәбіловтер амнистияға ілінуі мүмкін
- Астанада LRT-мен жүруге арналған жеңілдік картасын кімдер ала алады?
- Ерлі-зайыпты блогер Жанәбілевтерге сот үкімі шықты
- 1 мамыр — бірлік символы: Қазақстан халқын біріктірген мереке қалай пайда болды?
- Тоқаев Оңтүстік Африка халқын бостандық күнімен құттықтады
- «247,6 млн теңге көлеміндегі шығынды толық өтеген»: Жанәбіловтер тергеумен келісімге келді
- Румынияда әйелдерді өлтіргендер өмір бойына бас бостандығынан айырылады
- Депутат Базарбек эмоциясын тежей алмай, «Болашақ» жүйесін қатаң сынға алды
- Қазақстанның жоғары білім саласында миллиардтаған шығын анықталды
- Мәжілісте түлектерді жұмыспен қамту туралы мәлімет сынға ұшырады
- Қылмыстық іс қозғалды: Желтоқсан оқиғасына қатысқандарды балағаттаған әйел полицияға жеткізілді
- 1 мамырдан бастап не өзгереді: Төлемдер, маусымдық шектеулер және емтихан кезеңі
- Тоқаев Нидерландтың ұлттық мерекесімен құттықтады
- ІІМ банк арқылы болатын алаяқтықтың жаңа түрін ескертті
- Тәрбиеші ұрған баланың ата-анасы арыз жазудан бас тартқан
- Қазақстандықтардың деректерін сатқан: Астана мен Алматыда қылмыстық топ құрықталды
- Атырау облысы әкімінің орынбасары каратэден әлем чемпионы атанды
- Трамп қатысқан кездесудегі атыс: Шабуыл туралы не белгілі?
- Таяу Шығыс бойынша келіссөз өткізу алаңы ретінде Түркістан ұсынылды
