«Казинода астыртын әрекеттер жасаған»: Сиднейде қазақстандық ерлі-зайыпты ұсталды

Қазақстандық ерлі-зайыпты Сиднейдегі казинода 1,18 миллион доллар көлемінде алаяқтық жасады деген күдікпен ұсталды, деп хабарлайды Orda.kz. 

Полиция мәліметінше, казино қызметкерлері 36 жастағы қазақстандық әйелдің киімінен  жасырын мини-камераны байқап қалған. Күзетшіге хабар берілгеннен кейін оқиға орнына полиция шақырылып, әйел мен оның 44 жастағы күйеуі ұсталды. 

Тінту барысында олардан магнит күшін өлшейтін құрал, батареялар және жасырын түсіруге арналған арнайы телефон құрылғылары табылған. Сондай-ақ, ерлі-зайыптыдан ұялы телефонға жалғанатын шағын айнасы бар адаптер тәркіленді. Сиднейдегі жалдамалы пәтерінен қосымша ойын құрылғылары, әшекей-бұйымдар және 2 мың еуро табылған.

Полицияның дерегі бойынша, олар Аустралияға осы жылдың қазан айында келіп, сол уақыттан бастап бірнеше рет қомақты қаражат ұтып, күдік тудырған.

Айта кетейік, қазақстандық оқушылар халықаралық олимпиададан жүлделермен оралды.