ҚАЖД басшысы айыппұл төлеп жазадан құтылды

Солтүстік Қазақстан облысының қылмыстық-атқару жүйесі департаментінің басшысы Әділет Мұстафин 1 миллион теңге көлемінде пара алғаны үшін ұсталып, оған Петропавл қалалық соты 30 миллион теңге айыппұл төлеуге үкім етті.

Бұл туралы сыбайлас жемқорлыққа қарсы іс-қимыл агенттігі хабарлады.

Сондай-ақ, Мұстафин мемлекеттік қызметте және квазимемлекеттік секторда жұмыс істеу құқығынан өмір бойына айырылды. Абақтыға қамалғанның орнына, Мұстафин тек қызметінен босатылып, айыппұл төлеп құтылды.

Тергеу барысында Мұстафиннің делдал арқылы кәсіпкерден қылмыстық-атқару жүйесі мекемелеріне ұн жеткізу бойынша мемлекеттік сатып алу келісім-шартына қол жеткізу үшін пара алғаны анықталды. Делдал мен пара берушіге де айыппұл салынды. Олар 20 миллион және 10 миллион теңге төлеуге міндетті.