ҚАЖ басшысы Сатыбалды мен Күдебаевтың қай жерде жазасын өтеп жатқанын айтты

Қылмыстық-атқару жүйесі комитеті Серік Күдебаев пен Қайрат Сатыбалды жазасын өтеп жатқан колонияның бейнебақылау камераларына түсірілген кадрларды көрсетті. Сот үкімінен кейін олар Шығыс Қазақстан облысындағы №22 түзету мекемесіне жіберілді, деп хабарлайды Orda.kz тілшісі.

Камералардан түсірілген бейнежазбалар Қылмыстық іздестіру басқармасының ситуациялық орталығында көрсетілген. Осылайша комитет қызметкерлері бүкіл Қазақстан бойынша сотталғандардың жазаны қалай өтеп жатқанын бақылай алады. Еліміздегі 78 түзеу мекемесінің 52-сі бейнебақылау камераларымен толық жабдықталған. Қалған колониялар осы жылдың соңына дейін жабдықталады.

Қылмыстық-атқару жүйесінің ахуалдық орталығында комитет төрағасы журналистерге сотталған Сатыбалды мен Күдебаевтың жазасын өтеп жатқан Шығыс Қазақстан облысындағы №22 түзеу мекемесін көрсетті. Жанат Ешмағамбетов олардың әлі жұмысқа орналаспағанын хабарлады.

«Менің ойымша, олар әлі жұмысқа орналаспады. Өкінішке қарай, бізде сотталғандарды жұмысқа орналастыру мүмкіндігі бола бермейді. Бізде жұмыспен қамту көрсеткіші шамамен 50%. Өндірістік қуат, өнеркәсіптік аумақ бұған мүмкіндік бермейді, мемлекет тапсырыстар жағынан күрделі мәселе бар», – деді Жанат Ешмағамбетов.

Комитет сонымен қатар әртүрлі уақытта сотталғандар қызметкерлерге шабуыл жасап, белсенді қарсылық көрсеткен колониялардағы бейнероликтерді де көрсетті. Сондай-ақ, түсірілімде түрме қызметкерлерінің кеудесіндегі бейнетіркегішінен алынған жазбалар да бар, құрылғы осындай жағдайларды жазу үшін қолданылады.

Бір күн бұрын интернетте камуфляж киген бір топ адамның еденде жатқан тұтқынды таяқпен ұрып жатқаны түсірілген үрейлі кадрлар пайда болды. Қазақстан Республикасы Ішкі істер министрлігінің Қылмыстық-атқару жүйесі комитеті бұл факті бойынша тергеуді бастап кетті. Комитет шешімнің қызметтік тексеру нәтижелері бойынша қабылданатынын қосты.