Қазгидромет ескертеді: Бірден 10 облыста қауіпті метеорогиялық құбылыс

«Қазгидромет» РМК мәліметінше, ел аумағының басым бөлігінде қауіпті метеорологиялық құбылыстар болады, деп хабарлайды Orda.kz.      

БҚО, Атырау, Маңғыстау, Ақтөбе, Қарағанды, Қызылорда, Түркістан, Жамбыл, Алматы облыстары мен Жетісу облысында көктайғақ күтілуде.

БҚО, Ақмола, Қарағанды, ШҚО, Абай және Ұлытау облыстарында қар жауады.

БҚО, Ақмола, Қарағанды, ШҚО, Абай, Ұлытау, Жамбыл, Түркістан және Жетісу облыстарында бұрқасын болады.

Батыс, Солтүстік, Орталық, Шығыс, Оңтүстік және Оңтүстік-Шығысты қоса алғанда, еліміздің көптеген өңірлерінде тұман болжануда.

4-5 ақпан күні Батыс Қазақстан, Атырау және Маңғыстау облыстарында ауа температурасы -15... -22 °С дейін төмендейді.

Еске салсақ, қаңтар айының ортасында еліміздің шығысында -45 градусқа дейін суытып,  12 облыста дауылды ескерту жарияланған болатын.