Қазгидромет бірден бірнеше өңірде дауылды ескерту жариялады

Қазақстанның кей аймақтарында ертең, 4 сәуірде ауа райы нашарлайды.

Бұл туралы Қазгидромет хабарлайды.

Түннің бірінші жартысында таулы және тау бөктеріндегі аймақтарда, күндіз Түркістан облысының таулы аймақтарында найзағай ойнап, бұрқасын күтіледі. Оңтүстік-шығыстан жел соғады, күн күркірейді, желдің екпіні 15-20 м/с.

Шымкентте де түннің бірінші жартысында найзағай ойнап, бұрқасын болады. Оңтүстік-шығыстан жел соғады, күн күркірейді, екпіні 15-20 м/с.

Ескерту Алматы облысының таулы және тау бөктеріндегі аймақтарына да әсер етеді.