«ҚазАвтоЖол» жол бойындағы сервисті дамытуға шақырады

«ҚазАвтоЖол» ҰК» АҚ республикалық маңызы бар автожолдар бойындағы сервисті бірлесе дамытуға шақырады.

Демалыс алаңдарында ыңғайлы, санитарлық-гигиеналық тораптармен жабдықталған, жылы 30 павильон бар. Олар еліміздің Ақмола, Ақтөбе, Алматы, Атырау, Шығыс-Қазақстан, Жамбыл, Жетісу, Қарағанды, Қостанай және Солтүстік-Қазақстан облыстарында, көлік ағыны көп, республикалық маңыздағы күре жолдардың бойында орналасқан. 

«ҚазАвтоЖол» ҰК» АҚ шағын және орта бизнес өкілдерін қолдау және өңірдегі экономиканы дамытуға септігін тигізу мақсатында модульдік павильондарда сауда орнын ашуға мүмкіндік береді.  

Модульдік павильондардың орналасуы туралы ақпарат qaj.kz ресми сайтында, «Инвесторларға» бөлімінде жарияланған. Толық ақпаратпен танысу және аукционға қатысу үшін 1403 байланыс орталығына хабарласу керек.