"ҚазАвтоЖол" филиалының бас маманы қызметтік міндетін атқару кезінде қаза тапты

"ҚазАвтоЖол" ҰК" АҚ Қызылорда облыстық филиалының бас маманы Сақтапберген Сыдықов қызметтік міндетін атқару кезінде қайтыс болды. 

Оқиға 10 ақпанда сағат 14:00 шамасында Самара – Шымкент автожолында Арал ауданы Сазды ауылы маңында қозғалыс қайта жанданған уақытта болған. Қатты жылдамдықпен келген Toyota Alphard көлігі жол бойында тоқтап тұрған көлікке соқтығысқан, сол уақытта автокөлік ішінде компания қызметкері жұмыс істеп отырған. Ол салдарынан сол жерде тілге келместен жан тапсырды. 

"Марқұм Қызылорда облыстық филиалының бас маманы болып, компанияда 6 жылдан астам жұмыс істеп, өзін адал, кәсіби қызметкер ретінде танытты. Сақтапберген Сыдықовтың артында төрт баласы мен жары қалды. "ҚазАвтоЖол" ҰК" АҚ қызметкерлері марқұмның туған-туыстары мен жақындарының қайғысына ортақтасып көңіл айтады, артында қалған отбасына компания тарапынан барлық қажетті қаржылық қолдау көрсетіледі" делінген "ҚазАвтоЖол" компаниясы таратқан хабарламада.