Қазақтар шоғырланған Гүлістанға әуе соққысы жасалды: Ирандағы қандастар көмек сұрады

20 маусым 2025 17:42 Жәукен Әсем

Фото: Pexels

Израиль әскерінің Ирандағы этникалық қазақтар көп қоныстанған Гүлістан аймағын бомбалағаны туралы ақпарат тарады. Ирандағы қандастар Қазақстаннан көмек сұрап жатыр, деп хабарлайды Orda.kz.

Оқиға жайында қоғам белсендісі Бурахан Дақанов Facebook парақшасында жазба жариялады. Ол былай деп үндеу тастады:

«Қолымнан не келеді, ағайын? Қолдан келер көмегімді көрсетуге тырысамын. Бірақ еліне жанашыр, билік басында отырған азаматтар үн қосса деймін. Жағдайға бей-жай қарамайтын жандарды белгілей отырыңыздар. Қазір бәрі лайк арқылы естіледі. Осы бейнежазбаны таратып, назар аудартайық. Ирандағы қандастарымызға қолдан келгенше көмектесейік!».

Ирандағы ақсақалдардың айтуынша, егер Қазақстан үкіметі қолдау көрсетсе, олар елдің солтүстік өңірлеріндегі бос ауылдарға қоныстануға әзір. Қазірдің өзінде 50–60 отбасы көшуге дайын екендерін мәлімдеп отыр. Тіпті алғашқы тізім жасала бастаған.

Кейбір қандастар қоғам белсенділеріне тікелей хабарласып, жағдайларын жеткізіп жатыр.

«Маған хабарласып: «Үніміз болыңызшы, аға» деп жазып жатыр. Оларды бір ауылға шоғырландырып, жағдай жасап бере алсақ қой, шіркін! Бірақ, әттең тонның келтесі-ай...» – дейді Бурахан Дақанов.

Бүгін түнде Израйл әскері, Ирандағы Қазақтар тұратын Гүлістан атты аймақты бомбалапты. Ирандағы Қазақ ағайындар маған хабарласып,елге көшеміз бауырым, кетеміз, көмектес дейді. Ағайын не істейін, менің шамамды білесіздер, биліктен кім бар маған көмектесетін?? Барынша бөлісіп, көмектеседі ау естиді ау деген биліктегі азаматтарды белгілеп жіберіңізші. Қазір лайкпен естілетін заман, лайк басып таратыңыз мына видеоны. Шама кнлгенше көмек берейін Ирандағы Қазақтарға. Сол жақтағылар, Үкімет көмек берсе сол сақалдының ауылдарына, Солтүстігіне көшіп барайық депті Ирандағы ақсақалдар. Тізім дайындап жатыр. Дәл қазір 50—60 отбасы дайын дейді жалпы. Не істейік ағайын? Маған хабарласып, ар жақтағы дауысым болыңызшы деп жазып жатыр. Шіркін осыларды Солтүстікке алдырып, бір ауылға қоныстандырсам шіркін. Әттең тонның келтесі ай. Әттең. "TAUEKEL". Теріскей бізге аманат.
Posted by Burahan Daqanov on Friday, June 20, 2025

Жаңалықтар

барлық жаңалықтар