Қазақстанның жаңа бас мемлекеттік санитарлық дәрігері болып Сархат Бейсенова тағайындалды

Қазақстан үкіметінің қаулысымен Сархат Сағынтайқызы Бейсенова  денсаулық сақтау министрлігі санитарлық-эпидемиологиялық бақылау комитетінің төрағасы –  бас мемлекеттік санитарлық дәрігері қызметіне тағайындалды, деп хабарлайды Orda.kz.

Министрлер кабинеті баспасөз қызметінің мәліметінше, Сархат Бейсенова еңбек жолын 1989 жылы Ақмола облыстық онкологиялық диспансерінде медбике болып бастапты. Ал 2019-2020 жылдары денсаулық сақтау министрлігі тауарлар мен қызметтердің сапасы мен қауіпсіздігін бақылау департаменті басшысының орынбасары қызметінде болды.