Қазақстанның үш қаласында жылу желілері жаңартылады
Қазақстан Республикасының Премьер-Министрі Олжас Бектенов Павлодар, Екібастұз және Ақсу қалаларының жылу желілерін жаңартуға үкімет резервінен тоғыз миллиард теңге бөлуді мақұлдады, деп хабарлайды үкіметтің баспасөз қызметі.
Павлодарда 3,6 млрд теңгеге 2,5 шақырым ТМ-13 жылу магистралін салу жоспарлануда. Магистраль Павлов, Шевченко және Катаев көшелерінің 41,5 мың тұрғынын жылумен қамтамасыз етеді.
Екібастұзда ТМ-1 және ТМ-3 жылу магистралінің 4 шақырым учаскесін 3,6 млрд теңгеге қайта жаңғырту жоспарлануда. Магистраль екі мыңдай адамды қамтитын жаңа тұрғын үйлерді, әлеуметтік мекемелер мен шағын және орта бизнесті жылумен қамтуға мүмкіндік береді.
Қалған 1,8 млрд теңге Ақсу қаласындағы соңғы екі жылда 40-тан астам су ағып кету оқиғасы болған № 3, 5 және 8 ықшам аудандарындағы 4,3 шақырым жылу желілерін қайта жаңғыртуға жұмсалады. Магистраль 1,5 мыңнан астам жергілікті тұрғындарды жылумен қамту сапасын жақсартуға мүмкіндік береді.
Павлодар қаласында жылу желілерінің жалпы ұзындығы 828,1 км 82,8% тозған, Екібастұзда 422,5 шқ 90,7% тозған , Ақсу қаласында 99,1 шқ тозығы 59% -ға жеткен. Техникалық байқау қорытындысы бойынша тозу деңгейі жоғары төрт аймақ анықталды.
Бұған дейін Үкімет басшысы Екібастұздағы жылу электр орталығын күрделі жөндеуге және су құбырын тартуға 3,4 млрд теңге бөлуді мақұлдаған болатын. Сондай-ақ Кентау, Риддер және Қызылорда қалаларының жылу көздерін жаңғыртуға 16 миллиард теңге, Риддер қаласындағы жылу желілерін күрделі жөндеуге 2,4 миллиард теңге, Көкшетаудағы қазандықтарды жөндеуге 816 миллион теңге бөлінді.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды