Қазақстанның төрт облысында табиғи апат болуы мүмкін

Алматы қаласында, Жетісу облысында, Алматы және Жамбыл облыстарында жауын-шашын салдарынан өзен тасуы мүмкін, деп хабарлайды Orda.kz Қазгидрометке сілтеме жасап.

Синоптиктердің болжамынша, 1-3 мамыр аралығында Алматы қаласы мен Алматы облысында қатты жаңбыр жауады. Қалған екі облыста 1-2 мамырда қатты жауын-шашын болады.

«Таулы және тау етегіндегі аудандарда қатты жауын-шашын болжамына байланысты беткейлерде ағынды сулардың пайда болуы және өзендердегі су деңгейінің көтерілуі мүмкін» деп хабарлады «Қазгидромет» РМК. 

Мәлімдеме бойынша, бұл өзендер тасқыны елді мекендер мен жолдарды су басуы мүмкін.