Қазақстанның тоғыз облысында дауылды ескерту жарияланды

12 ақпанда Қазақстанның көптеген аймақтарында тұман түсіп, көктайғақ болады.

Бұл туралы Қазгидромет хабарлайды.

12 ақпанда Алматы облысының таулы аймақтарында қатты жауын-шашын күтіледі.

Алматы мен Қонаев қалаларында тұман, көктайғақ болады. Желдің екпіні 23 м/с жетеді.

Түркістан облысының таулы аудандарында бұрқасын болып, желдің екпіні 20 м/с жетеді. Түркістан мен Шымкентте кей жерлерде тұман түседі.

Жетісу облысында кей жерлерде көктайғақ, тұман, көктайғақ, желдің екпіні 22 м/с-ке дейін жетеді. Облыстың таулы аймақтарында қатты жауын-шашын, негізінен қар жауады.

Атырау мен облыста тұман, көктайғақ күтіледі.

Батыс Қазақстан облысының батысы мен оңтүстігінде тұман, көктайғақ күтіледі.

Синоптиктердің болжамынша, Қызылордада тұман түседі. Орталық өңірде тұман, батыста көктайғақ.

Шығыс Қазақстан облысының шығысында және оңтүстігінде бұрқасын, көктайғақ күтіледі, желдің екпіні 20 м/с жетеді.