Қазақстанның сыртқы қарызы 3 миллиард долларға өсті

Қазақстанның сыртқы қарызы 2024 жылдың басымен салыстырғанда 3 миллиард долларға өсіп, 166,7 миллиард доллар болды, деп хабарлайды Orda.kz.

Ұлттық банктің мәлімдемесі бойынша, Қазақстанның сыртқы қарызының 87,5%-ы – ұзақ мерзімді сыртқы қарызға тиесілі. 

«Бұл бір жағынан өтімділік тәуекелдерін азайтса, екінші жағынан қарызды өтеу мен қызмет көрсетуге нарықтық жағдайлардың өзгеру ықпалын күшейтеді. Қарыздың қаржылық құрал түрлері бойынша құрылымында резидент еместерден алынған несиелер мен қарыздар басымдыққа ие (73,9%), ал резидент еместер қолындағы борыштық бағалы қағаздар 8,0%-ды қамтиды» делінген ұлттық банк хабарламасында.