Қазақстанның сыртқы істер министрлігі Ресейдегі президент сайлауына жоғары баға беріп отыр

Қазақстанның Сыртқы істер министрлігі Ресейдегі президент сайлауына жоғары баға берді, деп хабарлайды Orda.kz.

Қазақстан тіпті өз бақылаушыларын да жіберді. Бұл туралы ведомствоның ресми өкілі Айбек Смадияров айтты.

«Ресейдегі сайлау, әрине, сол елдің ішкі ісі. Бірақ Қазақстан әлемдік тәжірибе бойынша бақылаушыларын жіберді, жаңалықтардан көрген шығарсыздар. Бақылаушылардың санын айта алмаймын, орталық сайлау комиссиясына хабарлассаңыздар болады, олар айтып береді. Мен Ресейді Қазақстанның стратегиялық серіктесі және одақтасы екенін айта аламын, сондықтан біз Ресейде болып жатқан үдерістерді қолдаймыз және оны жақсы бағалаймыз»,  деді Смадияров.

Еске салайық, Ресей Федерациясында президенттік сайлау 15 бен 17 наурыз аралығында өтті. Ресей орталық сайлау комиссиясының мәліметінше, Владимир Путин сайлаушылардың 87%-дан астам дауысын жинап, жеңіске жетті.