Қазақстанның опера әншісі Ғафиз Есімов қайтыс болды

Қазақстан опера саласының көрнекті қайраткері  Ғафиз Есімов 12 қараша күні 78 жасында көз жұмды, деп хабарлайды Orda.kz. 

Есімов Қазақстанның опера өнерінің дамуына елеулі үлес қосқан көрнекті өнер адамы, педагог және режиссер. Ғафиз Есімовпен қоштасу рәсімі 14 қараша күні сағат 10:00-де Алматының Орталық мешітінде өтеді.

Ғафиз Есімов 1947 жылы 9 мамырда Атырау облысында дүниеге келген. Бірінші геолог мамандығын бітірді. Бірақ кейін Алматы консерваториясына түсіп, музыка саласын таңдайды. 1975 жылдан бастап Абай атындағы Қазақ ұлттық опера және балет театрының солисі болды.