Қазақстанның Киевтегі елшілігі жерлестерімізге Одесса мен Харьковтан шығып кетуді ескертті

Қазақстанның Украинадағы елшілігі Одесса және Харьков облыстарындағы жағдайдың шиеленісуіне байланысты ел азаматтарына осы аймақтардан кету мүмкіндігін қарастыруды ұсынады. 

«Украинадан Қазақстанға шығу үшін Қазақстан Республикасының азаматтары Польша немесе Молдова арқылы өтетін жерүсті бағыттарын, одан кейін коммерциялық рейстерді пайдалана алатынын ескертеміз» деп хабарлады елшілік.

Польша арқылы кеткен жағдайда Қазақстан азаматтарында Шенген визасы болуы керек, Молдова арқылы қайту үшін виза талап етілмейді.

«Сонымен бірге, елшілік барлық азаматты әуе шабуылы туралы ескертуді елемеуге және дереу бомбадан қорғанатын орынға өтуге шақырады. Елшіліктің байланыс телефондары: +38(044) 4831596, +38(044) 4891031. Қазақстан азаматтарына арналған сенім телефоны (төтенше жағдай кезінде): +380673470408» деп хабарлады Қазақстанның Украинадағы елшілігі.