Қазақстанның футбол құрамасы Уэльспен өткен матчта тарихи гол соқты

Дегенмен 2026 жылғы әлем чемпионатына іріктеудің алғашқы матчында жеңіліп қалды, деп хабарлайды Orda.kz.

23 наурызға қараған түні (Астана уақыты бойынша) футболдан Қазақстан құрамасы 2026 жылғы әлем чемпионатына іріктеудің алғашқы матчын өткізді. Біздің команда Уэльс құрамасымен кездесті. Ойын Кардиффте өтті.

Бұл Қазақстан құрамасының Әли Әлиевтің басшылығымен өткізген алғашқы ресми ойыны. Бұған дейін ол бастаған ұлттық команда КХДР мен Кюрасаоға қарсы жолдастық ойындар ғана өткізген болатын.

Уэльс-Қазақстан матчында бірінші болып алаң иелері гол соқты. Бірақ 32-ші минутта Асхат Тағыберген пенальтимен есепті теңеді. Бұл тарихи соққы болды деуге болады. Бұған дейін Қазақстан құрамасы ресми матчтарда бір жылдан астам уақыт ешкім ешқандай гол соқпаған!

Біздің команданың турнирдегі соңғы голы Рамазан Оразовтың 2023 жылдың қарашасында С тобының матчында Словения құрамасы қақпасына соғылған голы ретінде есте қалған болатын.

Уэльспен матчта тең ойын сақталмады. Екінші таймда Қазақстан қайтарым бере алмай, екі голды өткізіп алды. Қорытынды есеп - 3:1.

Келесі ойынды 26 наурызда Лихтенштейнге қарсы өткізеді. Бұл тағы да қонақтар ойыны болады.