Қазақстанның батысында 70-ке жуық шетелдік қар құрсауынан құтқарылды

Ақтөбе облысында қатты қар салдарынан адамдар жолдарда тұрып қалды, деп хабарлайды Orda.kz.

Әйтеке би ауданында жолаушылары бар автобус жолдың 975-ші шақырымында сынып қалған. Онда Тәжікстаннан келген 57 адам, оның ішінде үш бала болды. ТЖМ құтқарушылары барлық жолаушыларды қар құрсауынан құтқарды. Оларды Қарабұтақ ауылындағы мешіттің жылыту пунктіне орналастырды.

Сол күні Қарғалы ауданында қардан екі автокөлік шығарылды. Онда Ташкент - Мәскеу бағытына Өзбекстанның 11 азаматы кетіп бара жатқан.

«Адамдар Жосалы ауылындағы мектеп базасындағы жылыту пунктіне орналастырылды. Медициналық көмек ешкімге қажет болған жоқ», деп хабарлады төтенше жағдайлар министрлігі. 

ТЖМ қар қалың жауғанда және боранды күндері алыс жолға шықпаған жөн екенін ескертті.

Ауа райының қолайсыздығына және кейбір жолдардың жабылуына байланысты ҚТЖ қосымша вагондар шығарады. Олар Павлодар, Екібастұз, Ерейментау, Шідерті, Көкшетау, Бурабай курортынан Астанаға қатынайтын болады. Жолаушылардан орындардың бар-жоғын және жөнелту уақытын алдын ала анықтау сұралды.

Еске салсақ, Ресейден қашқан жасөспірім «Путиннің саясатына қарсымын» деп ашық айтты.