Қазақстанның батысы астана уақытына ауыса ма?

Ақтаулықтар арасында 1 желтоқсаннан бастап Қазақстанның батысы астаналық уақытқа ауысады деген ақпарат тарады. Маңғыстау облысының әкімдігі хатқа жауап берді.

Қазір облыс уақыты елордадан бір сағатқа артта. Маңғыстау облысының ішкі саясат басқармасы Экология және табиғи ресурстар министрлігіне сілтеме жасап, бұл мәселе бойынша ешқандай шешім қабылданбағанын хабарлады.

«Бұл мәселе жан-жақты зерттеліп, жұртшылықпен кеңінен талқыланғаннан кейін шешім қабылданады», - деді Маңғыстау облыстық ішкі саясат басқармасы басшысының орынбасары Ақай Мұсалиев.

Бұған дейін «AMANAT» фракциясының Мәжіліс депутаты Еркін Әбіл Қазақстанда бірыңғай сағат белдеуін енгізу қажеттігін айтқан болатын.