Қазақстанның әскери байланыс қызметкерлері ТМД-дағы әріптестерімен кездесті

Душанбеде Достастыққа мүше мемлекеттердің қарулы күштері коммуникациялары басшыларының үйлестіру комитетінің кезекті отырысы өтті. Оған Қазақстаннан Байланыс басқармасының бастығы, полковник Асан Ақышев бастаған делегация қатысты.

Отырыста Үйлестіру комитетінің 2023 жылғы жұмысының қорытындысы шығарылып, 2024 жылға арналған бірлескен іс-шаралар жоспары түзетілді. ТМД-да қатысушы мемлекеттер Қарулы Күштерінің Біріккен байланыс жүйесін құру және дамыту мәселелері қаралды.

Отырысқа қатысушылар Достастық елдерінің қарулы күштерінің бірлескен оқу-жаттығу іс-шараларын қамтамасыз ету кезінде байланыс бөлімшелерінің өзара іс-қимылының нысандары мен әдістерін жетілдіру қажеттігін атап өтті.

Қабылданған шешімдер ортақ және ұлттық мүдделерді ескере отырып, әскери коммуникациялар саласындағы көпжақты әскери ынтымақтастық жүйесін дамытуға бағытталған.