Қазақстанның АҚШ-қа таситын мұнай мен уран экспорты 95%-ға өсті

2024 жылдың алғашқы жарты жылдығында Қазақстанның АҚШ-қа экспорты өткен жылмен салыстырғанда 95%-ға артты.

Бұл туралы Data hub хабарлады.

Экспорттың негізгі өсіміне мұнай, уран және күміс тасу көрсеткіштері әсер етіп отыр. Олардың жалпы экспорты 87% болды. 

Ресми статистикаға зер салсақ, 2024 жылдың алғашқы алты айында экспорт көлемі 888,8 миллион долларға жетіп, 2014 жылдан бергі ең жоғары көрсеткішті көрсетті. Өсімнің негізгі қозғаушы күші  - мұнай экспорты. Ол 0,9 миллион тоннаны құрап, 578 миллион долларға бағаланды. Бұл 2023 жылғы көрсеткішпен салыстырғанда үш есеге жуық көп. Уран экспорты 20 есеге өсіп, 104,7 миллион доллар болды. Ал күміс тасу 49%-ға артып, 89,4 миллион долларға жетті.

Экспорттың қарқынды өсуіне қарамастан, АҚШ-тан Қазақстанға импорт 14%-ға төмендеп, 1,1 миллиард долларды құрады. Импорттың негізгі тауарлары жеңіл автомобильдер, турбореактивті қозғалтқыштар және дәрі-дәрмектер болды. Сонымен қатар Қазақстанға 32 зертханалық жануар, 5,4 миллион долларға бағаланған 182 келі бұқа шәуеті, орташа бағасы 1843 доллар болатын 25 электрогитара және 13,5 мың доллар тұратын бір велосипед импортталды.

Еске сала кетсек, Қазақстан мен АҚШ арасында тікелей әуе рейстерін 2025 жылдың соңына дейін іске қосу мүмкіндігі қарастырылуда.