Қазақстандықтардың несие алу көрсеткіші шектен асты

Қазақстанда несие алып, қарызға батқан азаматтардың саны көбейді, деп хабарлайды Orda.kz.

Мәжіліс депутаты Елнұр Бейсембаев халықтың қарызға бату деңгейінің өскеніне алаңдаулы.

«Қазіргі таңда 8,4 миллион қазақстандықтың несиесі бар. Бұл экономикалық белсенді халықтың 80 пайыздан астамы банктерге қарыз деген сөз. 1,4 трлн теңгенің төлем мерзімі кешіктіріліп жатыр. 1,7 миллион адам алған несиесін қайтара алмай жүр», – деді депутат.

Мәжіліс депутатының айтуынша, бұл қазақстандықтардың таза табысы төмендеп кеткенін көрсетеді. Сондықтан ол мемлекет тарапынан шұғыл шара қолданылуы керектігін алға тартты.