Қазақстандықтар Мароккоға визасыз бара алады

Қазақстан мен Марокко ұлттық және жалпы төлқұжат иелері үшін визасыз режим туралы келісімге қол қойды, деп хабарлайды Orda.kz.

Сыртқы істер министрлігінің баспасөз қызметі мәліметі бойынша, келісім барлық қажетті рәсімдер аяқталғаннан кейін 30 күннен кейін күшіне енеді.

«Тараптар Қазақстан Республикасы Үкіметі мен Марокко Корольдігі Үкіметі арасындағы ұлттық/жалпы төлқұжат иелерін визалық талаптардан босату туралы келісімге қол қойды» делінген хабарламада.

Қазақстан мен Марокко азаматтары бір-бірінің аумағына кірген күннен бастап 180 күндік кезең ішінде 30 күнтізбелік күнге дейін бір-бірінің аумағына кіруге, шығуға, транзитпен өтуге және уақытша бола алады. Дегенмен ұзақ тұру, жұмыс, оқу немесе бизнес үшін виза қажет болады.