Қазақстандықтар қасқырларды атуға рұқсат беруді сұрайды

Самар ауданының (Шығыс Қазақстан облысы) жергілікті тұрғындары қасқырлар санын реттеп  қалпына келтіруді сұрап, жергілікті билікке жүгінуде, деп хабарлайды Orda.kz Astana TV  телеарнасына сілтеме жасап.

Шағымдар қасқырлардың малға шабуыл жасап, елді мекендерге кіріп, адамдарға қауіп төндіретініне қатысты.

Ауыл тұрғындары екі жылдан бері қасқырлардың санын азайтуға ешқандай шара қолданылмағанына, осы уақыт ішінде ауданда бұл жыртқыштардың саны айтарлықтай көбейіп кеткеніне наразылықтарын білдіруде. Аңшылар, өз кезегінде, атыс қазір және 2023 жылдың ақпан айында жүргізілуі керек деп санайды.

Осы өтініштерге орай ШҚО табиғи ресурстар және табиғат пайдалануды реттеу басқармасы заңнамалық жұмыстар жүргізіп, қасқыр атуға аңшылық лицензия беріле бастайтынын хабарлады. Алайда бұл шаруаның нақты уақыты әлі нақтыланған жоқ.

Естеріңізге сала кетейік, 6 қазаннан бастап Қазақстанда жануарларды ату басталды. Экология және табиғи ресурстар министрі Ерлан Нысанбаев бұл олардың санының бақылаусыз өсуін тоқтату және жайылымдар мен егінді қорғау үшін қажет екенін айтты.