Қазақстандықтар декларация тапсырудан босатылды

8 млн қазақстандық жалпыға бірдей декларациялауға қатысудан босатылды, деп хабарлайды Orda.kz.

25 жылдың 1 қаңтарынан бастап жеке құрылым қызметкерлері, зейнеткерлер, үй шаруасындағы әйелдер, студенттер және басқа азаматтар өздерінің кірістері мен активтері туралы есеп тапсыруы керек еді.

«Босату осы санаттағы жеке тұлғалардың 90%-дан астамына әсер етеді. Декларациялауды мынадай санаттағы тұлғалар үшін сақтау ұсынылады: ҚР шегінен тыс активтері бар; бір жыл ішінде құны 20 000 АЕК (Т74 млн) асатын сатып алу жасаған; өз бетінше салық салынатын табыс алған тұлғалар»,  деп  баяндады қаржы министрі Мәди Тәкиев.

Премьер-министр Олжас Бектенов қаржы министрінің оларды декларация тапсырудан босату туралы ұсынысын қолдады.  

«Бүгінгі таңда алғашқы үш кезең аясында жалпыға бірдей декларациялау жүйесіне 4,8 млн адам, оның ішінде мемлекеттік қызметшілер, коммерциялық ұйымдар, квазимемлекеттік сектор басшылары мен құрылтайшылары және олардың жұбайлары кірді»,  деді Тәкиев

Бұл ретте ерікті декларациялау құқығын беру қаралады.