Қазақстандықтар АҚШ-қа тікелей ұша алады

Жаңа бағыттар 2025 жылға қарай іске қосылады.

АҚШ Қазақстанмен тікелей әуе қатынасын ашуға мүдделі. Бұл туралы АҚШ-тың Қазақстандағы елшісі Дэниел Розенблюм мәлімдеді.

«Біз бұл идеяны қолдаймыз, бірақ, өкінішке орай, бұл өте қиын процесс. Әуе компанияларында тиісті ұшақтар болуы керек, бірақ «Эйр Астанада» бұл ұшақтар әлі жоқ. Олар сатып алу процесінде, бұл уақытты талап етеді» деді Рознблюм «Инвесторлардың құқықтарын қорғау» инвестициялық форумы аясында.

Сонымен қатар, авиациялық билік органдарына көптеген тексерулер мен басқа да процедураларды жүргізуге тура келеді, деп атап өтті дипломат.

«Біздің үкіметпен диалогымызда бұл мәселе жиі көтеріледі. Өкінішке орай, биыл бұлай болмайды. Шамамен 2025 жылы».

2019 жылы Астана мен Вашингтон әуе қатынасы туралы келісім жасасқан болатын. Америкалық тараптың талаптарына сәйкес, қазақстандық әуе компаниялары АҚШ Федералдық азаматтық авиация әкімшілігінің халықаралық сертификаттауынан өтуі керек.