Қазақстандықтар 7 мамырдағы әскери шеруді тікелей көре алмайды

Қазақстан Республикасының қарапайым азаматтары әскери шерудіт тек телеарналардан немесе LED-экрандардан тамашалай алады, деп хабарлайды Orda.kz.

Қорғаныс министрлігі түсіндіргендей, парадты тікелей көру мүмкіндігі 3 және 4 мамыр күндері – бас репетиция кезінде барлық ниет білдірушілерге берілген.

«Тікелей эфир барлық республикалық телеарналарда, сондай-ақ елдің барлық қалалары мен өңірлеріндегі LED-экрандарда көрсетіледі. Бұдан бөлек, парадты тамашалағысы келгендер 3 және 4 мамыр күндері бас репетицияға еркін кіріп, қарай алды», деп хабарлады министрлік.

Қауіпсіздік шаралары мен шектеулер мәселесі басқа мемлекеттік органдарының – Мемлекеттік күзет қызметінің, ІІМ мен ҰҚК-нің құзыретінде.

Журналистер үшін де орын саны шектеулі болып шықты.

«Парадқа еліміздің барлық өңірлерінен делегациялар, ардагерлер, тыл еңбеккерлері, еңбегі сіңген қайраткерлер қатысады. Келгісі келетіндер өте көп. Алаңға көп адамның сыймайтыны да рас. Шеру өткізу мүмкін болмай қалады», – деді министрлік өкілдері.

Жеңістің 80 жылдығы мерекесіне арналған әскери парад 7 мамыр күні сағат 11:00-де Астанадағы «Қазақ елі» монументі жанындағы Тәуелсіздік алаңында өтеді. Оның ұйымдастырылуына 2,5 миллиард теңге бөлінген (https://t.me/orda_kz/98982).